Qaynar / ережелер
Жариялау ережелері
Бұл — ережелердің жұмыс нұсқасы, заңды құжат емес. Толық редакциясы кейінірек жарияланады.
Qaynar-да жариялау ашық, бірақ жауапты: әр туынды каталогқа модерация арқылы шығады. Төменде — негізгі қағидалар.
Кім жариялай алады
Жариялау автор, суретші және аудармашы рөлдеріне ашық. Рөлді профильде сұратуға болады. Жарияланатын туындыға құқығыңыз болуы керек: бөтен жұмысты рұқсатсыз жүктеуге тыйым салынады.
Модерация жолы
Әр туынды мына жолдан өтеді: черновик → тексеруге жіберу → модератор қарауы → жарияланды, түзету сұралды немесе қабылданбады. Оқырмандар тек жарияланған туындыларды көреді; әр шешімге модератор түсініктеме қалдырады.
Аудармаларға қатысты
Аударма бірлігі — тарау. Бір тараудың қазақша және орысша нұсқасы — қақтығыс емес, екі бөлек аударма. Аудармада түпнұсқаның авторы міндетті түрде көрсетіледі.
Неге тыйым салынған
Құқық иесінің рұқсатынсыз контент, жас белгісі жоқ 18+ материал, жеккөрушілік пен спам қабылданбайды. Ережені өрескел бұзу аккаунтты бұғаттауға әкеледі.
Құпиялылық
Біз қажеттіден артық дерек жинамаймыз. Төменде — нақты нені сақтайтынымыз және не үшін екені.
Аккаунт
Кіру үшін электрондық пошта мен құпиясөз қажет. Құпиясөз ашық түрде сақталмайды — тек қайтымсыз хэш сақталады. Поштаңызды жарнама тізімдеріне бермейміз.
Оқу прогресі
Қай тарауды қай жерге дейін оқығаныңызды, кітапханаңызды, бағалар мен пікірлеріңізді сақтаймыз — «оқуды жалғастыру» осыған сүйенеді. Бұл деректер тек аккаунтыңызға байланған.
Cookie
Cookie үшеу-ақ: интерфейс тілі, тақырып (тема) және сессияны ұстап тұратын қызметтік токен. Жарнамалық трекерлер мен бөгде аналитика жоқ.
Деректерді жою
Аккаунтты және онымен байланысты деректерді жойғыңыз келсе, төмендегі поштаға жазыңыз — сұранысты жұмыс күні ішінде қараймыз.
Сұрағыңыз қалды ма? Жазыңыз: hello@qaynar.kz